i moved out..

Dear Readers,
Asslam alykom everyone..
I would like to inform you that I moved my blog to Jeeran blogs, you can read my posts and comment on Them on the following URL: http://emoussa.jeeran.com/
Regards;
Eno

لحظة فراق

لحظة فراق البشر.. الاهل و الاصحاب..

بنحب ليه الشجر.. ريحة الشوارع و التراب..

بنحس ليه بالشجن يبدأ يدق الباب..

بنحن ليه لحاجات .. مكانش ليها حساب..

و نعيش ثواني الزمن.. سنين م الاغتراب!!

ــــــــــــــــــــــــــــــــــــــــــــــــــــــــــــــــــــــــــــــ

الغربـــــة..

قالولي ايه الغربة..؟ انا قلت ايه الوطن ؟؟
قالولي اهل و صحبة.. انا قلت حضن و سكن..
الغربة غربة.. مهما طالت ولا قصرت..
الغربة احساس بالشجن..

قالولي مالك.. ايه اللي دبل وردتك..!
ايه غيرك.. ايه بدلك..؟؟
انا قلت اصل الغربة داء..
بيموت الروح.. قبل البدن!!

ـــــــــــــــــــــــــــــــــــــــــــــــــــــــــــــــــــــــــــ

بين الناس

كم هو صعب ان تكون وحيداً بين الناس.. اقرب الناس..
كم هو قاتلٌ هذا الاحساس..!

ان تنظر في عيون من حولك .. فلا ترى انعكاس نفسك..
ان تحدثهم بما في قلبك.. فيرتدُّ اليك صدى صوتك..!

ان تتكلم وتتكلم.. وهم لا يسمعون.. يسمعون احياناً..و دوما لا يفهمون..!
و عندما يتكلمون.. ينبغي عليك ان تنصت جيدا.. فهمت أم لم تفهم .. نفذ أولاً..!
متمردٌ انت اذا رفضت.. كئيبٌ انت اذا حزنت.. غبيٌ انت اذا ما فهمت..!

لماذا يجب ان تكون دوما.. ذلك الانسان الحساس..!!!!!!!!

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مش مهم..

مش مهم..
لو ماكنتش جوه قلبك .. مش مهم..
لو ماكانش كلامي عاجبك.. مش مهم..
لو بتنسى غصب عنك.. اني اصلاً حته منك..
برضه اقولك مش مهم...

المهم.. انك تحس اني بشر..
اني نسمة في الهوا.. اني عصفور عالشجر..
واني مش حتة حجر..
وان احساسي بكياني شيء مهم..
هوه ده بس المهم..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خواطر..

خواطر مخاطر.. شوارد موارد..
ترفرف تسافر .. تقرب تباعد..

خواطر جنان.. في قلبي تهدي..
تدق البيبان و تطلب تعدي..

خواطر فرح.. تمر في ثواني..
و قلب انجرح.. بيغلبها تاني..

خواطر مدامع.. بتصرخ انين..
و قلبي اللي سامع.. ماليه الحنين..

و نفسه ف خواطر محبة تدوم..
ماتخلصش ابدا و لا تموت في يوم...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حررني..

يؤلمني جدا احساسي بالغربة في عينيك..

يملؤني خوفا احساسي بالوحشة بين يديك..

تتألم مثلي انفاسي..

تختنق من الحزن القاسي..

تصرخ في صمت .. حررني..

فانا لن اهرب منك اليك..!

ــــــــــــــــــــــــــــــــــــــــــــــــــــــــــــــــــــ